ကျွန်မတို့
ခန္ဓာကိုယ်ရဲ့ ကျန်းမာရေးဟာ ကျွန်မတို့ နေ့စဉ်စားသောက်နေတဲ့
အစားအသောက်တွေနဲ့ အများကြီးဆက်စပ်နေပါတယ်။ အစားမှားလို့ နေထိုင်မကောင်း
ဖြစ်တာ၊ အစားများလို့ မအီမလည်ခံစားရတာ၊ မသန့်ရှင်းတဲ့ အစာစားမိလို့
အစာအဆိပ် သင့်တာစတဲ့ ပြဿနာတွေဟာ အစားအစာနဲ့ ကျန်းမာရေး ဆက်စပ်နေကြောင်း
အကောင်းဆုံးသာဓကတွေပဲ မဟုတ်ပါလား။
အောက်ပါ အစားအစာတွေဟာ နှလုံးနဲ့
သွေးကြောတွေကို ကာကွယ်ပေးမယ့် အဓိက အာဟာရတွေဖြစ်တာကြောင့် နေ့စဉ် နံနက်စာ၊
နေ့လယ်စာနဲ့ ညစာထဲမှာပါဝင်အောင် ထည့်သွင်းစားကြပါစို့လား။
(၁) ဆယ်လမွန်ငါး
ရရှိမည့် အာဟာရဓာတ်
အိုမီဂါသရီးဖက်တီးအက်စစ်။
ဟင်းလျာပြင်ဆင်နည်း
ဆယ်လမွန်ငါးကို
သား၊ ငါးနူးညံ့ကာ အရသာတိုးစေတဲ့ Marinate အရည်စိမ်ကာ ကင်ပါ။ ပြီးရင်
အတုံးသေးတွေတုံးကာ ခေါက်ဆွဲနဲ့ရောစားတာမျိုး ဒါမှမဟုတ် အရွက်သုပ်ထဲ
ထည့်စားတာမျိုး ပြုလုပ်ပေးပါ။
(၂) နှမ်းကြတ်စေ့
ရရှိမည့် အာဟာရဓာတ်
အိုမီဂါသရီးဖက်တီးအက်စစ်၊ အမျှင်ဓာတ်နဲ့ ဖိုင်တိုအီစထရိုဂျင်။
ဟင်းလျာပြင်ဆင်နည်း
နှမ်းကြတ်စေ့ကို အစားအသောက်မျိုးစုံထဲ အလွယ်တကူ ထည့်စားနိုင်ပါတယ်။ ဒိန်ချဉ်၊ နံနက်စာကွေကာ၊ ကွတ်ကီးမုန့်စတာတွေထဲ ထည့်စားပါ။
(၃) အုတ်ဂျုံ
ရရှိမည့် အာဟာရဓာတ်
အိုမီဂါသရီးဖက်တီးအက်စစ်၊ မဂ္ဂနီဆီယမ်၊ ပိုတက်ဆီယမ်၊ ဖောလိတ်၊ ဒိုင်ယာစင်၊ ကယ်လ်စီယမ်နဲ့ ပျော်ဝင်တဲ့အမျှင်ဓာတ်။
ဟင်းလျာပြင်ဆင်နည်း
အုတ်ဂျုံ (Oatmeal) ပါတဲ့ ကွတ်ကီးမုန့်တွေကို Citymart ဆိုင်တွေမှာ ဝယ်ယူရရှိနိုင်ပါတယ်။ နံနက်စာမှာ အုတ်ဂျုံကွတ်ကီးမုန့် စားပေးပါ။
Ref: Good Health
No comments:
Post a Comment